Дар бораи китоб

   Бори нахуст аст, ки шогирдони шумо китоби «Физика»-ро ба даст мегиранд. Онҳо ба василаи ин китоб ва ёрмандии шумо бояд бо табиат (яъне табиъат) ва падидаҳои табиӣ, бо низоми рӯйдоди ин падидаҳо ва имкони пешбинӣ кардани онҳо ошноӣ пайдо кунанд. Барои ин зарур аст, ки шумо шогирдонро аз оғози омӯзиши физика ба роҳи пурпечухами донишандӯзӣ раҳнамунӣ кунед, онҳоро бо ҳуруфу рамзҳои китоби муҳташами ТАБИАТ, бо мақоми мушоҳидаҳову таҷрибаҳои физикӣ дар омӯзиши рӯйдодҳои чи заминиву чи осмонӣ – аз оромишу ҷунбиши барги дарахт то ҳаракати сайёраҳову милт- милти ситораҳо ошноӣ диҳед.

Мухобирот